Jay Perillo KASAMA SA MOVIE NI AGA AT REGINE

Journal, Sept. 26, 2009

ni Nitz Miralles

ISA si Jay Perillo sa Viva Artists Agency talents na ipina-interview noong isang araw at masaya ito sa takbo ng career kahit hindi nanalo sa Are You the Next Big Star?

Bibigyan siya ng album ng Viva Records, kasama siya sa pelikula nina Regine Velasquez at Aga Muhlach na UmBoy and Berns daw ang title at magkakaroon sila ng TV show nina Geoff Taylor at Frencheska Farr sa GMA-7.

Hindi nagsisisi si Jay sa 10-year contract na pinirmahan niya sa VAA dahil tinutulungan siyang magka-career sa showbiz at matupad ang mga pangarap.

Excited din si Jay dahil guest siya sa bagong album ni Regine at alam niyang malaki ang magagawa nito sa kanya.

Sa music ang focus si Jay, pero gusto pa ring subukan ang acting.